As aventuras de Jon Santolina

As viaxes polo Mediterráneo permítennos coñecer como se utilizan as plantas aromáticas na cociña en diferentes culturas gastronómicas. Esta é a escusa perfecta para traballar coas herbas, probar novas receitas e, sobre todo, establecer conexións entre escolas. Cada equipo de comedor elixiu a costa de diferentes países mediterráneos coma fonte de inspiración, desde as máis próximas como a de Cataluña, Francia ou Italia a terras afastadas como Marrocos, Grecia ou Exipto.

Neste proxecto, o pirata Jon Santolina viaxará ao pobo do Mediterráneo que cada equipo de comedor elixise. O obxectivo é seguir traballando coas aromáticas, e crear, grazas a elas, unha rede de pobos e culturas que se relacionarán entre si.

Obxectivos

  • Potenciar o coñecemento das plantas aromáticas e as súas propiedades
  • Educar o sentido do olfacto e o gusto
  • Recoñecer as plantas aromáticas máis comúns
  • Descubrir o Mediterráneo e as súas culturas

 

Os comedores das escolas reciben nalgún momento do curso a visita do pirata Jon Santolina, quen lles explica algún dos remedios que se utilizan para facer fronte a algunhas enfermidades. Nunha época en que se pasaban días e días navegando en alta mar, sen consumir alimentos frescos, rodeados de auga, convivindo en espazos pequenos e facendo esforzos físicos, as plantas aromáticas eran unhas boas aliadas. O noso pirata explícalles porque utiliza a santolina, o fiúncho mariño ou o romeu. E tamén lles acompaña nos talleres de herbas aromáticas adaptados a cada grupo de idade.